মুখ্য পৃষ্ঠা
সাক্ষাৎকাৰ
¤ দিল্লী বিশ্ববিদ্যালয়ত অধ্যয়নৰতঃ গহপুৰৰ ছাত্ৰ পার্থ প্ৰতীম বৰাৰ সৈতে অম্লানজ্যোতি শইকীয়াৰ সাক্ষাত্কাৰৰ তৃতীয় খণ্ড :
- CBSE আৰু SEBAৰ মূল্যাংকন পদ্ধতিৰ পার্থক্য আপুনি কি বুলি ভাবে ? (প্ৰশ্নকর্তাঃ গৌৰী শংকৰ বৰা) =CBSE আৰুSEBAৰ পার্থক্য :CBSEৰ পাঠ্যপুথি সমুহ সর্বভাৰতীয় পর্যায়ত প্ৰস্তুত কৰা হয় আৰু SEBA ৰ প্ৰধানকৈ ৰাজ্যিক স্তৰত প্ৰস্তুত কৰা হয় যাৰ কাৰনে CBSEৰ ছাত্ৰ ছাত্ৰীসকলে যি কোনো সর্বভাৰতীয় পর্যায়ৰ প্ৰতিযোগিতামুলকপৰীক্ষা সমুহত SEBAৰ ছাত্ৰ ছাত্ৰী সকলতকৈ কিছু সুবিধাজনক স্হানত অৱস্হান কৰে। বাকী নিজৰ পৰীক্ষা সমুহত CBSEৰ প্ৰশ্ন কাকত সমুহ অধিক বস্তুনিষ্ঠ(objective) হোৱাৰ বিপৰীতে SEBAৰ বণর্নামূলক(subjective) হোৱা যেন লাগিছে। সুখৰ কথা এই যে SEBA আৰু CBSE ৰ পাঠ্যক্ৰমৰ এই পার্থক্য দুৰ কৰাৰ এক প্ৰক্ৰিয়া চলি আছে আমাৰ অসমত। ইতিমধ্যে HS or couseৰ পুথি সমুহ একে হৈ পৰিছে। গতিকে অতি শুনকালে এই সমস্যা দুৰ হব বুলি মই আশাবাদী।।
- মোৰ শেষ প্ৰশ্ন অসমীয়া ভাষাৰ ভৱিষ্যত আপুনি কেনেকুৱা বুলি ভাবে? (প্ৰশ্নকর্তা: গৌৰী শংকৰ বৰা)
=অসমীয়া ভাষাৰ অস্তীতলৈ প্ৰশ্ন আজিয়ে প্ৰথম উঠা নাই। আজিৰ পৰা এটা শতিকাৰ আগৰে পৰা অসমীয়া ভাষায়ে বিভিন্ন সংকটেৰে আগবাঢ়ি আহিছে। পিছে বিভিন্নজনে গুৰি বঠা ধৰি ভাষাক জিয়াই ৰাখিছে। বর্তমান অসমীয়া ভাৱ ভাষা কিছু পৰিৱর্তন (বিশেষকৈ কথিত ৰুপত) সকলোৰে সন্মুখত বিৰাজমান। ইংৰাজী, হিন্দী বা আন কোনো ভাষাৰ প্ৰভাৱ পৰি বহু প্ৰকৃত অসমীয়া শব্দ হেৰাই গৈছে নহলে বিচিত্ৰ হৈছে। তথাকথিত বহু আধুনিক (?) অসমীয়ায়ে অসমীয়া ভাষা কব নোৱাৰো বূলি গৌৰৱেৰে কয়। আজিৰ পৰা ১০০ বছৰ আগত লক্ষ্মীনাথ বেজবৰুৱাদেৱে 'জোনাকী' উলিয়াইছিল ৮০০ কপি আৰু আজিও আমাৰ সর্বাধিক প্ৰচলিত কাকত বা আলোচনীখন বিক্ৰি হয় মাত্ৰ কেইহাজাৰমান। এইবোৰ ভাবি মাজে মাজে হতাশ হোৱাৰ সময়তে কিছুমান খবৰে মন পোহৰাই তোলে। অসমীয়া ভাষায়ে ইন্টাৰনেটৰ যোগেৰে এক নতুন বিপ্লৱৰ সূচনা কৰিছে। বহু কেইখন e-megazine, e-paper সমগ্ৰ বিশ্বত এক কৰিছে। আপুনি আজি পৃথিৱীৰ যিকোনো প্ৰান্তত বহি পঢ়িব পাৰে বুঢ়ী আইৰ সাধু, গুনমালা, কীর্তন, বহু অসমীয়া উপন্যাস ইন্টাৰনেটত উপলব্ধ। সাহিত্যৰথী লক্ষ্মীনাথ বেজবৰুৱাৰ ১৫০ বছৰীয়া জন্ম জয়ন্তী উপলক্ষে সৌ সিদিনা উন্মোচন হ'ল WWW.SAHITYARATH I.COMএতিয়াও গ্ৰন্হ মেলাত মানুহৰ ভিৰত হেৰাই গৈ ভাল লাগে। বহু অসমীয়া লিখা ইংৰাজী অথবা আন বিদেশী ভাষালৈ অনুবাদ কৰা কাম চলি আছে। সময় পৰিৱর্তনশীল আমি এই পৰিৱর্তনৰ ইতিবাচক দিশটো গ্ৰহণ কৰি অসমীয়া ভাষা আৰু জাতি আগুৱাই যাব লাগিব।
(পার্থ প্ৰতিম বৰাৰ সৈতে হোৱা সাক্ষাত্কাৰৰ তিনিওটা খণ্ড যুগুতালে অম্লানজ্যোতি শইকীয়াই)
apanalukor hakhatkar pohi val lagil.pisolo aru pohibor pam buli asa thakil,asomiy upoynash keneko onlinet pohim baru..jonabosun..?